ZUBAA'N SE KEH NA SAKAY AANKH SE BAYAA'N NA HUA
MAZAAR E QALB SULAGTA RAHA DHUWAA'N NA HUA
WAFA SHU'AAR YAAR NAA HUA KUCH RANJ NAHI'N
YAHI BAHUT HAY KAY WOH MUJH SE BADGUMA'N NA HUA
KHAATIR E RASM E JAHA'N LAB PE HANSI HAY WARNA
AAP KAY BAAD KABHI DIL YEH SHAADMAA'N NA HUA
SIRF HUM HI THAY BE-KHABAR WAGARNA SAARAY SHEHER
HAMAARAY ISHQ KA CHARCHA KAHA'N KAHA'N NA HUA
UMR BHAR JIS KO BINA DEKHAY KIYE RUKOOH O SUJOOD
KABHI BHI HUM PE MEHERBAA'N WOH AASMAA'N NA HUA
HAIN AQAA'ID FAQAT SARAAB O SAI E LAA-HAASIL
WOH KHUD KO PAA SAKA JO SAAHIB E EEMAA'N NA HUA
JINHE'N TEHQIQ O IJTEHAAD HECH LAGTAY HAIN
AISI AQWAAM KA TAAREEKH MEN NISHAA'N NA HUA
HAALAT E KUFR MEN HI FAUT HO GAYA SAAQIB
SHEKH RANJOOR HAY KYUNKAR WOH MUSALMAA'N NA HUA
Monday, April 28, 2008
Subscribe to:
Post Comments (Atom)
No comments:
Post a Comment