ABR SE AAG JAB BARASNAY LAGAY
JISM JAB CHAAO'N MEN JHULASNAY LAGAY
BE-QARAARI HO SOGWAARI HO
ROOH TASKEEN KO TARASNAY LAGAY
JAB HAQIQAT BHI GUMAA'N HO JA'AY
HAR KHUSHI AAH O FUGHA'N HO JA'AY
KHAAR JAESI HO PATHIYO'N KI CHUBAN
MAUSAM E GUL BHI KHIZA'N HO JA'AY
SOCH JAB SOCHNAY SE QAASIR HO
IZZAT E NAFS BHI MUTAASIR HO
JUSTJU ZAABTO'N KI BAANDI HO
AARZU DASTRAS SE BAAHIR HO
JISM JAB SAANS KO LAGAY ZINDAA'N
FIKR AEHSAAS PAR HO BAAR E GARAA'N
YAAS HI YAAS HO MANZAR HAR SOO
MANZIL E ZEEST HO BAY RAAH O NISHAA'N
JAB RYASAT MEN KHAUF O DEHSHAT HO
BUM O BANDOOQ KI HUKOOMAT HO
FARD E WAAHID HO HAAKIM E KHUD SAR
QAUM KI RAA'AY BHI BAY WUQHAT HO
SOORAT E HAAL HO JAB AISI TO
JAAN LO AE AZIZ HAM WATANO!
YEH RIWAYAAT E BARBARIYAT HAIN
YEH NISHANAAT E JAARIIYAT HAIN
YEH ALAAMAAT E AAMRIYAT HAIN...
Sunday, April 27, 2008
Subscribe to:
Post Comments (Atom)
No comments:
Post a Comment